আশুৰা : আশুৰাৰ দুটা ছিয়ামৰ বাহিৰে বাকী সকলো ইবাদত বে'দাত-ডঃ ইৰফান আলি

Arfan Ali with Mukib Rahman and 18 others

22 October at 19:09-2015

৮ম খণ্ড
Continued from last part:
(৩) তা‘যিয়া : তা‘যিয়া অর্থ বিপদত সান্ত্বনা দিয়া। যিটো বর্তমানে শাহাদাতে হুছাইন ৰাঃৰ শোক সমদলৰ ৰূপ ধাৰণ কৰিছে। অথচ ইছলামত কাৰো মৃত্যুতেই তিনি দিনৰ অধিক শোক পালন কৰা নিষেধ। (আবুদাঊদ, নাছাঈ, মিশকাত হা/৪৪৬৩ ‘চুলি আচোৰা’ অনুচ্ছেদ)। কিন্তু বাগদাদৰ গোঁড়া শী‘আ আমীৰ মু‘ইযযুদ্দৌলাই ৩৫২ হিজৰীৰ মুহাৰৰম মাহৰ ১০ তাৰিখক জাতীয় শোক দিৱস ঘোষণা কৰে আৰু চহৰ আৰু গ্রামৰ সকলোকে তা‘যিয়া সমদলত যোগদানৰ নির্দেশ দিয়ে। সেই দিনৰ পৰাই এই বিদ‘আতী প্রথা চালু হৈ আহিছে। শী‘আসকলৰ উদ্ভাৱিত এই বিদ‘আতী প্রথাৰ অনুসৰণতেই ভাৰত উপমহাদেশৰ বিদ‘আতীসকলে ১০ মুহাৰৰমত সমদল উলিয়াই থাকে। প্রত্যেক আল্লাহভীৰু মুছলমানৰ এইবোৰ বিদ‘আতৰ পৰা দূৰত থকা আৱশ্যক।
(৪) মুহাৰৰম মাহৰ ১০ তাৰিখে বা আশুৰাৰ দিনা চকুত চুৰমা লগোৱা: বহুতেই আশুৰাৰ দিনা বা মুহাৰৰম মাহৰ ১০ তাৰিখে বা আশুৰাৰ দিনা বিশেষ ফযীলতৰ আশাত চকুত চুৰমা লগাই থাকে; যি সুস্পষ্ট বিদ‘আত। কিয়নো ৰাছূলুল্লাহ চাল্লাল্লাহু আলাইহি ৱাছাল্লাম আৰু ছাহাবায়ে কিৰাম সকলে আশুৰাৰ দিনত চকুত চুৰমা লগোৱা নাই আৰু ইয়াৰ কোনো ফযীলতো বর্ণনা কৰা নাই। আশুৰাৰ দিনা চকুত ইছমিদ চুৰমা লগালে কেতিয়াওঁ চকুত ৰোগ নহব’ মর্মে প্রচলিত হাদীছটো মাওযূ বা জাল। (ইবনুল জাওযী, আল-মাওযূ‘আত পৃঃ ২/২০৩; মোল্লা আলী ক্বাৰী, আছৰাৰূল মাৰফূ‘আহ, পৃঃ ৪৪)।
(৫) মুহাৰৰম মাহৰ ১০ তাৰিখে বা আশুৰাৰ দিনা বিশেষ ফযীলতৰ আশাত বিশেষ পদ্ধতিত ছালাত আদায় কৰা: মুহাৰৰম মাহৰ ১০ তাৰিখে বা আশুৰাৰ দিনা বিশেষ ফযীলতৰ আশাত বিশেষ পদ্ধতিত ছালাত আদায় কৰা হৈ থাকে; যি সুস্পষ্ট বিদ‘আত। কিয়নো ৰাছূলুল্লাহ চাল্লাল্লাহু আলাইহি ৱাছাল্লাম আৰু ছাহাবায়ে কিৰামসকলে এই দিনত বিশেষ কোনো ছালাত আদায় কৰিছে বুলি কোনো ছহীহ দলীল পোৱা নাযায়। এই সম্পর্কে যিমান যি পোৱা যায় তাৰ আটাইবোৰেই জাল বা বানোৱাট। যেনে-
(ক) আবু হুৰায়ৰা (ৰাঃ)ৰ পৰা বর্ণিত, ৰাছূলুল্লাহ চাল্লাল্লাহু আলাইহি ৱাছাল্লামে কৈছে, আশুৰাৰ দিনা যি ব্যক্তিয়ে চাৰি ৰাক‘আত ছালাত আদায় কৰিব আৰু প্রত্যেক ৰাক‘আতত এবাৰ ছূৰা ফাতিহা আৰু পঞ্চাশবাৰ ছূৰা ইখলাছ তিলাৱাত কৰিব, আল্লাহ তা‘আলাই তাৰ অতীতৰ পঞ্চাশ বছৰৰ গুনাহ আৰু ভবিষ্যতৰ পঞ্চাশ বছৰৰ গুনাহ ক্ষমা কৰি দিব’। উল্লেখিত হাদীছটো জাল বা বানোৱাট। (আল-মাওযূ‘আত পৃঃ ২/১২২)।

(খ)ৰাছূলুল্লাহ চাল্লাল্লাহু আলাইহি ৱাছাল্লামে কৈছে, যি ব্যক্তিয়ে আশুৰাৰ দিনা জোহৰ আৰু আছৰৰ ছালাতৰ মাজত চল্লিশ ৰাক‘আত ছালাত আদায় কৰিব; প্রত্যেক ৰাক‘আতত এবাৰ ছূৰা ফাতিহা, দশবাৰ আয়াতুল কুৰচী, দশবাৰ ছূৰা ইখলাছ, পাঁচবাৰ ছূৰা ফালাক্ব আৰু পাঁচবাৰ ছূৰা নাছ তিলাৱাত কৰিব আল্লাহ তা‘আলাই তাক জান্নাতুল ফিৰদাউছ দান কৰিব। এই হাদীছটোও জাল বা বানোৱাট। (আল-মাওযূ‘আত পৃঃ ২/১২২-১২৩; শাওকানী, আল-ফাওৱাইদুল মাজমূ‘আহ পৃঃ ৪৮)।
শায়খুল ইছলাম ইবনু তায়মিয়াহ (ৰহঃ)ই কৈছে,
ليس في حديث عاشوراء حديث صحيح غير الصوم، وما يروي في فضل صلاة معينة فيه فهذا كله كذب موضوع باتفاق أهل المعرفة، ولم ينقل هذه الأحاديث أحد من أئمة أهل العلم في كتبهم-
‘ছিয়াম ব্যতীত আশুৰা সম্পর্কিত কোনো ছহীহ হাদীছ নাই। এই দিনত নির্দিষ্ট ছালাতৰ ফযীলত সম্পর্কে যিবোৰ বর্ণনা আহিছে প্রসিদ্ধ মুহাদ্দিছসকলৰ ঐক্যমতত তাৰ আটাইবোৰেই মিছা আৰু বানোৱাট। মুহাক্কিক আলিমসকলৰ কোনেওঁ তেওঁলোকৰ কিতাপসমূহত এইবোৰ হাদীছ সংকলন কৰা নাই। (শায়খুল ইছলাম ইবনে তায়মিয়াহ, মিনহাজুছ ছূন্নাহ ৪/১১৬)। গতিকে এই উপলক্ষে আশুৰাৰ দুটা ছিয়ামৰ বাহিৰে অন্য কোনো ইবাদত ৰাছূলুল্লাহ চাল্লাল্লাহু আলাইহি ৱাছাল্লাম, ছাহাবায়ে কিৰাম, তাবেঈনে ইযাম, ইমাম চতুষ্টয়ৰ কোনেওঁ কেতিয়াওঁ কৰা নাই। আৰু তেওঁলোকে ছিয়াম দুটা পালন কৰিছে কেৱল ফিৰাউনৰ কবলৰ পৰা মূছা (আঃ)ৰ নাজাতৰ শুকৰিয়া স্বৰূপ; শাহাদতে হুছাইনৰ শোক স্বৰূপ নহয়। গতিকে বর্তমানে আশুৰা উপলক্ষে যিবোৰ হৈ আছে তাৰ আটাইবোৰেই পৰৱর্তী যূগৰ বিদ‘আতীসকলৰ আৱিষ্কাৰ; যিবোৰ অৱশ্যেই বর্জনীয়।